Актывістку Алену Гнаўк пачнуць судзіць у межах чарговай крымінальнай справы ў судзе Ленінскага раёну Берасця 2 верасня.
Працэс будзе весці Дзмітрый Куроўскі.
Пенсіянерку вінавацяць у абразе прэзідэнта. Паводле версіі следства, Алена Гнаўк абразіла Аляксандра Лукашэнку падчас выступаў судзе, калі яе судзілі ў межах «карагоднай справы» і прызначылі 2 гады «хатняй хіміі».
Цяпер жанчыне пагражае да 4 гадоў зняволення.
«Яны хочуць, каб нас судзілі, а мы пакорна маўчалі. У судзе я толькі абараняла сябе і выказала свае думкі наконт сітуацыі ў краіне», – сказала Алена Гнаўк у размове з «Белсатам».
АЛ/МГ belsat.eu
