У выніку пажару падчас вяселля на поўначы Іраку загінулі 120 чалавек, яшчэ 200 пацярпелі, паведамляе агенцтва «Al Arabiya». Маладая пара таксама загінула.
Ацалелых шукалі да раніцы 27 верасня.
Паведамляюць, што пажар, верагодна, узнік праз выкарыстанне феерверкаў. Папярэдняя інфармацыя паказвае на тое, што будынак быў выраблены з лёгкаўзгаральных будаўнічых матэрыялаў, што спрыяла яго хуткаму абвальванню.
Відавочцы расказвалі, што будынак загарэўся каля 22:45 паводле мясцовага часу, падчас інцыдэнту ў памяшканні прысутнічалі сотні людзей.
BREAKING: Fire breaks out at wedding hall in northern Iraq, killing at least 100 people – INA pic.twitter.com/PvfJ1psHRN
— BNO News (@BNONews) September 26, 2023
بۆ یەکەم جار دیمەنی سووتانی هۆڵەکەی قەزای حەمدانیە ببینە؛ بەپێی زانیارییەکانی رووداو نزیکەی 1000 کەس لەو هۆڵەدا بوون#حريق_كبير pic.twitter.com/QeHrg1zW3k
— Rudaw (@Rudawkurdish) September 26, 2023
Раней «Al Arabiya» са спасылкаю на медычныя крыніцы паведамляла, што больш за 30 чалавек загінулі, яшчэ 80 пацярпелі. Таму, магчыма, колькасць ахвяраў і пацярпелых яшчэ будзе расці. Некаторыя крыніцы паведамляюць, што на вяселлі прысутнічалі каля 1000 асобаў.
Алена Рувіна belsat.eu