Дзяржаўнае бюро расследаванняў Украіны заблакавала дзве спробы незаконнага вывазу Рэспублікай Беларусь прадукцыі праз тэрыторыю Украіны.
Супрацоўнікі ДБР выявілі на чыгуначнай станцыі «Корасцень» у Жытомірскай вобласці 100 вагонаў з калійным угнаеннем вагой 7 тысяч тонаў. У межах крымінальнай справы выяўлена, што прадукцыя адпраўлялася беларускімі пастаўляльнікамі ў краіны Азіі.
Таксама быў заблакаваны транзіт 2 вагонаў сталевай прадукцыі вагой 139 тонаў. Тавар транзітам праз Украіну накіроўваўся з Беларусі пакупнікам з Паўночнай Афрыкі.
Грузы мусілі адправіцца марскім шляхам з украінскіх партоў. Супрацоўнікі Бюро праінфармавалі Жытомірскую абласную вайсковую ўправу аб прымусовай канфіскацыі гэтай маёмасці для дзяржаўных патрэбаў Украіны.
АД belsat.eu
