Палітычны вязень Вітольд Ашурак 21 траўня памёр у шклоўскай калоніі пры нявызначаных акалічнасцях.
Прэмʼер-міністр Польшчы Матэўш Маравецкі напісаў у сваім Twitter, што «падзяляе боль сямʼі і малітвы за душу нябожчыка Вітольда Ашурка, палітычнага вязня і вялікага патрыёта Беларусі, дзядуля якога быў забіты НКВД у Катыні».
Łączę się w bólu z Rodziną i modlitwie za duszę zmarłego Witolda Aszuraka, więźnia politycznego i wielkiego patrioty Białorusi, którego dziadek został zamordowany przez NKWD w Katyniu. Spoczywaj w pokoju wierny Przyjacielu Rzeczypospolitej!
— Mateusz Morawiecki (@MorawieckiM) May 27, 2021
Раней спачуванні сямʼі Вітольда Ашурка выказалі амбасадарка ЗША ў Беларусі і прадстаўніцтва ЕЗ.
Вітольд Ашурак загінуў у турме пры нявызначаных акалічнасцях 21 траўня. Цела сваякам не аддавалі некалькі дзён, а ў пасведчанні пра смерць напісалі, што яе прычына высвятляецца. Сваякам паведамілі пра спыненне сэрца, хоць яны і адзначаюць, што праблемаў са здароўем памерлы не меў. 26 траўня Следчы камітэт апублікаваў відэа нібыта з камеры, дзе трымалі Вітольда Ашурка. На ім бачна, што чалавек упаў і ўдарыўся галавой, але не ясна, ні хто гэты чалавек, ні чаму ён упаў, ні што было перад і пасля гэтых кадраў.
ІІ belsat.eu