Аналітык з Украінскага інстытуту будучыні Ігар Тышкевіч лічыць, што насамрэч візіт Лукашэнкі ў непрызнаную Абхазію з’яўляецца кепскай навіной. Такая захада пойдзе не на карысць краіне з пазіцыі ўстойлівасці ў бліжэйшай перспектыве.
Аляксандр Лукашэнка пасля перамоваў з Уладзімірам Пуціным у Сочы раптам наведаўся ў непрызнаную Абхазію. Мясцовыя медыі пішуць, што гэта неафіцыйны візіт.
Але ў выніку, паводле меркавання Ігара Тышкевіча, аналітыка з Украінскага інстытуту будучыні, візіт Лукашэнкі стаў сведчаннем, што Масква даціскае Менск у пытанні падтрымання ў войнах з суседзямі. Пуцін пасля гэтага пачне ціснуць з падвойнай сілай, паколькі адчувае слабасць Лукашэнкі. Самаабвешчанага кіраўніка Беларусі Пуцін пачне «нагінаць» на ўкраінскім напрамку. А гэта ўжо небяспека шырокамаштабнай вайны.
«Гэта будзе азначаць рэзкае пагаршэнне стасункаў з Грузіяй. І гандлёвых і палітычных. Абхазія ніяк не заменіць і не кампенсуе гэтых праблем», – лічыць Ігар Тышкевіч.
І сапраўды, рэакцыя з боку Тбілісі зусім не прымусіла сябе чакаць. Праз некаторы час пасля зʼяўлення навіны пра візіт у МЗС Грузіі выклікалі беларускага амбасада Анатоля Ліса, якому выказалі пратэст.
Акрамя гэтага, лічыць Ігар Тышкевіч, Лукашэнка праз гэты візіт можа сапсаваць стасункі з Азербайджанам, Турцыяй. Кітай таксама займае пазіцыю непрызнання не падкантрольных рэгіёнаў.
Алена Аляксандрава belsat.eu
