Еўразвяз асуджае рэферэндумы, якія прайшлі ў самаабвешчаных ДНР і ЛНР, у акупаваных Запарожскай і Херсонскай вобласцях Украіны, а таксама сфальсіфікаваныя вынікі галасавання, заявіў у Twitter вярхоўны прадстаўнік ЕЗ у справах замежнай палітыкі і палітыкі бяспекі Жузэп Бурэль.
«ЕЗ асуджае правядзенне незаконных «рэферэндумаў» і іх сфальсіфікаваныя вынікі. Гэта чарговае парушэнне суверэнітэту і тэрытарыяльнай цэласнасці Украіны на тле сістэматычных парушэнняў правоў чалавека. Мы высока ацэньваем мужнасць украінцаў, якія працягваюць супрацьстаяць расейскаму ўварванню», – напісаў Бурэль.
EU denounces holding of illegal “referenda” and their falsified outcome.
This is another violation of Ukraine’s sovereignty + territorial integrity, amidst systematic abuses of human rights.
We commend the courage of Ukrainians, who continue to oppose & resist Russian invasion.
— Josep Borrell Fontelles (@JosepBorrellF) September 28, 2022
Рэферэндумы аб далучэнні да Расеі прайшлі ў самаабвешчаных ДНР і ЛНР, а таксама на акупаваных тэрыторыях Запарожскай і Херсонскай вобласцяў з 23 да 27 верасня. Паводле абвешчаных вынікаў, большасць прагаласавала за ўваходжанне ў склад Расеі. Расея пакуль не абвесціла аб далучэнні новых тэрыторыяў.
Марыя Міхалевіч belsat.eu
