Сілавікі затрымалі сям’ю з чатырох чалавек нібыта за здраду дзяржаве, паведамляе «Гомельская Вясна».
Затрыманыя – Прохаравы Васіль Васілевіч (працаўнік будоўлі) і Ларыса Іванаўна (санітарка ў ГГКБ № 3), а таксама двое іхных дзяцей. Гэта Анастасія (медсястра ў абласной лякарні) і Павел (працаўнік будоўлі).
Усіх абвінавачваюць паводле артыкулу 356 КК РБ («Здрада дзяржаве»). Якія дзеянні прыпісваюцца сям’і, праваабаронцам невядома. Кожнаму з затрыманых пагражае ад 7 да 15 гадоў зняволення.
Арсен Рудэнка belsat.eu