Намесніца міністра абароны Украіны Ганна Маляр заявіла, што такая інфармацыя мае на мэце толькі запужаць людзей. Пра гэта спадарыня напісала ў сваім Facebook:
«Цяпер у інтэрнэце са спасылкай на ананімныя крыніцы распаўсюджваецца інфармацыя, што Расея нібыта адправіла на ўкраінскую мяжу запасы крыві і іншых мэдыкамэнтаў для параненых.
Гэтая інфармацыя не адпавядае рэчаіснасці. Такія «навіны« з’яўляюцца элементам інфармацыйна-псіхалагічнай вайны. Мэта такой інфармацыі – пашырыць паніку і страх у нашым грамадстве».
Агенцтва Reuters, спасылаючыся на амерыканскіх чыноўнікаў, паведаміла, што такія пастаўкі адбыліся цягам апошніх тыдняў. А The Wall Street Journal піша, што Расея перакінула да мяжы з Украінай медычныя падраздзяленні.
МГМ, belsat.eu