29 лістапада ў Менску адбудзецца пахаванне міністра замежных справаў Уладзіміра Макея. Цырымонія развітання ладзіцца ў Доме афіцэраў, там ужо быў Аляксандр Лукашэнка, піша Telegram-канал «Пул первого».
Міністр замежных справаў Уладзімір Макей памёр 26 лістапада ва ўзросце 64 гадоў. Дакладнай прычыны смерці афіцыйна не агучваюць. Медыі паведамляюць, што ў яго былі праблемы з сэрцам.
29 лістапада адбудзецца развітанне і пахаванне. Развітальная цырымонія адбываецца ў Доме афіцэраў у Менску. Прыйшоў на цырымонію і Аляксандр Лукашэнка.
Пасля развітальнай цырымоніі Уладзіміра Макея пахаваюць на Усходніх могілках Менску.
Алена Аляксандрава belsat.eu
