Афіцыйны Менск запатрабаваў ад Нямеччыны спынення дзейнасці Інстытуту Гётэ і праграмы акадэмічных абменаў DAAD у Беларусі. Пра гэта паведамляе МЗС Нямеччыны.
Улады Беларусі працягваюць так званыя «контрзахады» на санкцыі Еўразвязу. Гэтым разам МЗС Нямеччыны паведаміла, што ў Менску патрабуюць спынення дзейнасці Інстытуту Гётэ і праграмы акадэмічных абменаў DAAD у Беларусі.
«Гэты крок будзе спрыяць яшчэ большай міжнароднай ізаляцыі Беларусі. Ахвяры рашэння – грамадзяне Беларусі, якія пазбаўляюцца магчымасцяў для сацыяльнай і культурнай дзейнасці», – гаворыцца ў заяве МЗС Нямеччыны.
МЗС Нямеччыны падкрэслівае, што краіны ЕЗ падтрымліваюць беларускі народ і заклікаюць улады Беларусі да дыялогу.
СК belsat.eu
