Напісаць прашэнне аб памілаванні Леаніду Судаленку прапанаваў Юрый Васкрасенскі, паведамляе «Еўрарадыё».
Аб прапанове Васкрасенскага Судаленка распавёў у лісце на волю.
«Ён прапаноўваў да 31 жніўня пакаянне напісаць. Я пакуль абраў суд. Ён жа даверанасці ад таго, хто мілуе, не прыклаў. А раптам правакатар», – напісаў праваабаронца.
Суд у справе супраць палітзняволенага праваабаронцы «Вясны» Леаніда Судаленкі і валанцёрак Таццяны Ласіцы, Марыі Тарасенкі пачнецца ўжо 3 верасня. Іх вінавацяць у «арганізацыі і фінансаванні дзеянняў, што груба парушаюць грамадскі парадак». Прысуд у гэтай справе могуць вынесці ўжо ў канцы верасня.
ГГ, belsat.eu