Гомелец правёў за кратамі больш за два гады.
На волю выйшаў гомельскі актывіст Уладзімір Няпомняшчых, паведамляе праваабарончы цэнтр «Вясна» са спасылкаю на Анатоля Лябедзьку.
Уладзіміра Няпомняшчых затрымалі 25 снежня 2020 года. Яго абвінавацілі ў абразе памочніцы пракурора Гомля Алесі Жураўскай у залі суда. Паводле боку абвінавачання, 26 лістапада 2020 года, пасля абвяшчэння прысуду Георгію Васіленку за падняты на гомельскай плошчы бел-чырвона-белы сцяг на флагштоку, актывіст сказаў: «Арганізаваная злачынная група». Алеся Жураўская на тым судзе выступала на баку абвінавачання.
Уладзімір Няпомняшчых віны не прызнаў і заявіў, што гэты выраз меў дачыненне да абвешчанага крымінальнага прысуду. Тым не менш, 7 красавіка 2021 года мужчыну прысудзілі да 2,5 года калоніі агульнага рэжыму. Тэрмін ён адбываў у магілёўскай калоніі № 15. У зняволенні Уладзіміра ўтрымлівалі больш за 2 гады і 3 месяцы.
1 верасня 2022 года Уладзімір Няпомняшчых сустрэў за кратамі 70-гадовы юбілей.
Паводле праваабарончага цэнтру «Вясна», на 31 сакавіка 2023 года 1474 асобы ў Беларусі прызнаныя палітвязнямі.
Марыя Міхалевіч belsat.eu