Краснадарскі край Расейскай Федэрацыі ўначы 31 траўня атакавалі беспілотныя лятальныя апараты. У выніку налёту пачаўся пажар на Афіпскім нафтаперапрацоўчым заводзе. Пра гэта паведаміў у сваім тэлеграм-канале губернатар Веніямін Кандрацьеў.
«У Северскім раёне – пажар на тэрыторыі Афіпскага НПЗ. Гарыць адна з установак па перагонцы мазуту. Папярэдняя прычына – прылёт БПЛА. На месцы працуюць пажарныя разлікі прадпрыемства, МНС і экстранныя службы, каб максімальна хутка ліквідаваць агонь. Ужо ўдалося лакалізаваць загаранне на плошчы 100 квадратных метраў. Пацярпелых няма. Сітуацыю трымаю на асабістым кантролі», – напісаў Кандрацьеў у 4:21 раніцы. Праз 20 хвілін дадаў, што пажар цалкам ліквідаваны.
Каля 2-й гадзіны ночы 28 траўня да Ільскага НПЗ у Северскім раёне спрабавалі наблізіцца некалькі неапазнаных беспілотных апаратаў, паведамляе партал «Кубанские новости». Усе яны былі збітыя.
Уначы 4 траўня на Ільскім НПЗ у выніку падзення беспілотніка загарэўся рэзервуар з палівам. Плошча пажару тады склала каля 400 тысячаў квадратных метраў. Ніхто не пацярпеў.
Марыя Міхалевіч belsat.eu
