31 траўня спаўняецца 75 гадоў пісьменніцы, нобэлеўскай лаўрэатцы ў галіне літаратуры Святлане Алексіевіч.
Свой юбілей Святлана Алексіевіч адзначае за мяжою, у Нямеччыне. Пісьменніца выехала з Беларусі ў 2020 годзе і цяпер жыве ў Берліне, дзе працуе над новымі кнігамі.
У 2015 годзе Святлана Алексіевіч атрымала Нобэлеўскую прэмію ў галіне літаратуры з фармулёўкай «за шматгалосую творчасць – помнік пакутам і мужнасці ў наш час».
Алексіевіч зрабілася вядомай дзякуючы сваім творам у жанры нон-фікшн пра самыя вострыя праблемы часу позняга СССР – памяць пра Другую сусветную вайну, вайна ў Афганістане, чарнобыльская катастрофа, спадчына камунізму (кнігі «У вайны не жаночы твар», «Цынкавыя хлопчыкі», «Чарнобыльская малітва», «Час сэканд-хэнд»).
У 2020 годзе Святлана Алексіевіч актыўна падтрымлівала беларускую рэвалюцыю, далучылася да Каардынацыйнай рады. Пісьменніца была вымушаная пакінуць Беларусь праз палітычны пераслед.
Марыя Міхалевіч belsat.eu