Адзіным зарэгістраваным прэпаратам ва ўсіх 27 краінах ЕЗ стала вакцына Pfizer/BioNTech, паведамляе Euronews.
Ад сёння, 27 снежня, Еўразвяз пачынае масавую вакцынацыю ад COVID-19. Пра гэта ў сваім Twitter паведаміла прэзідэнтка Еўракамісіі Урсула фон дэр Ляйдэн ад 26 снежня:
«Сёння мы пачынаем перагортваць старонку гэтага няпростага году. Вакцына ад COVID-19 была дастаўленая ва ўсе краіны. А заўтра (27 снежня – belsat.eu) вакцынацыя пачнецца ў Еўразвязе. Гэта стане кранальным момантам еднасці. Вакцынацыя – гэта трывалае выйсце з пандэміі».
Today, we start turning the page on a difficult year. The #COVID19 vaccine has been delivered to all EU countries.
Vaccination will begin tomorrow across the EU.
The #EUvaccinationdays are a touching moment of unity. Vaccination is the lasting way out of the pandemic. pic.twitter.com/pYOj5vS2gV
— Ursula von der Leyen (@vonderleyen) December 26, 2020
Паводле Reuters, першымі вакцыну атрымаюць медыкі і людзі сталага веку. Ужо да канца году ў Еўразвяз паступяць 12,5 мільёнаў доз вакцыны, што дазволіць прышчапіць 6,25 млн чалавек (вакцына даецца ў два крокі). Агулам ЕЗ плануе закупіць вакцыны ад розных фармакампаніяў для 450 мільёнаў чалавек.
КТ