Прэс-сакратар Беларускай асацыяцыі журналістаў (БАЖ) Барыс Гарэцкі паведаміў «Белсату», што працаўнікі ДФР зладзілі ператрус у офісе выдання «Ежедневник».
Працаўнікі Дэпартаменту фінансавых расследаванняў ладзяць ператрус на офісе «Ежедневника». Журналісты, прадстаўнікі БАЖ знаходзяцца каля дзвярэй офісу. У самым офісе два працаўнікі ДФР і брат Сяргея Сацука Аляксандр.
«Нам сказалі, што адбываецца апісанне ўсяго, а таксама выманне дакументаў», – распавёў «Белсату» Барыс Гарэцкі.
Напярэдані сілавікі затрымалі галоўнага рэдактара выдання «Ежедневник» Сяргея Сацука. Журналіста дапыталі ў ДФР пры ўдзеле дзяжурнага адваката. Высветлілася, што ён праходзіць у якасці падазраванага ў крымінальнай справе.
26 сакавіка працаўнікі ДФР накіраваліся ў офіс выдання «Ежедневник» з ператрусам.
Некалькі месяцаў таму галоўны рэдактар «Ежедневник» Сяргей Сацук пакінуў «Еўрарадыё» ліст на выпадак свайго затрымання. У ім ён расказвае пра прычыны, па якіх можа быць затрыманы, і пра пагрозы, якія атрымаў на свой адрас. Цяпер «Еўрарадыё» апублікавала гэты ліст.
Журналіст напісаў, што падставай для затрымання мог быць ягоны выступ на «Белсаце»
СК belsat.eu
