У Злучаных Штатах распачалі справы супраць прыхільнікаў Трампа, якія 6 студзеня зладзілі беспарадкі ў Капітоліі.
Пра гэта ў Twitter паведаміў кангрэсмен-дэмакрат Джэйсан Кроў, які абмеркаваў гэтае пытанне з міністрам арміі Раянам МакКарці.
Moments ago, I spoke with Secretary of the Army Ryan McCarthy about the military response to the January 6 Capitol attack and ongoing security measures.
Here are the notes from my call: pic.twitter.com/WB155iJoJn
— Rep. Jason Crow (@RepJasonCrow) January 10, 2021
Паводле Кроў, пратэстоўцы мелі даўгарульную агнявую зброю, выбуховыя прылады, кактэйлі Молатава і пластыкавыя кайданкі.
Кангрэсмен выказаў занепакоенасць тым, што ў штурме нібыта ўдзельнічалі дзейныя вайскоўцы і рэзервісты.
Паводле МакКарці, у Пентагоне ведаюць пра патэнцыйныя тэрарыстычныя пагрозы перад інаўгурацыяй Байдэна і ў дзень цырымоніі, прызначанай на 20 студзеня.
6 студзеня Кангрэс ЗША меўся зацвердзіць вынікі галасавання электараў, якія пацвердзілі перамогу Джо Байдэна на прэзідэнцкіх выбарах. Аднак пасяджэнне давялося перапыніць на некалькі гадзінаў праз пратэсты прыхільнікаў Доналда Трампа, якія ўварваліся ў будынак. Падчас сутыкненняў каля Кангрэсу загінулі пяць чалавек. Паліцыя затрымала 52 чалавекі.
ДР