У французскім горадзе Нант загарэўся гатычны сабор Святых Пятра і Паўла. Гэта адзін з найбуйнейшых гатычных сабораў Францыі. Карыстальнікі ў сацсетках апублікавалі фота, на якіх бачныя слупы дыму і полымя ў саборы.
https://twitter.com/i/status/1284411662221537281
Пажар, які ўспыхнуў у саборы Святых Пятра і Паўла ў французскім горадзе Нант выратавальнікі здолелі ўтаймаваць толькі праз некалькі гадзінаў.
Агонь цалкам знішчыў арган, а гаўбец, на якім той знаходзіўся, можа абрынуцца.
Breaking: Firefighters say the fire at Nantes Cathedral in France is contained. The organ of the cathedral is destroyed, but the roof is intact. Ouest France reports that arson is not being ruled out as fires started in multiple areas of the structure. pic.twitter.com/GWJSyY86JQ
— PM Breaking News (@PMBreakingNews) July 18, 2020
Гістарычны сабор у Нанце будавалі 457 гадоў. Пачалі будаваць яго ў 1434 годзе, а закончылі ў 1891. Будынак моцна пацярпеў ад бамбардзіровак у 1944 годзе, а ў 1972-м перажыў буйны пажар.
Летась у красавіку праз пажар моцна пацярпеў гістарычны сімвал Францыі – сабор Парыжскай Божай Маці. Значная частка даху абвалілася, а гадзіннік і шпіль разбураныя. Прэзідэнт краіны абяцае, што сабор адновяць да летніх Алімпійскіх гульняў 2024 года ў Парыжы.
СК belsat.eu