З наступнага тыдня ў Менску вайсковыя хімікі распачнуць дэзынфекцыю ўстановаў аховы здароўя і аб’ектаў прамысловасці. Міністэрства абароны паведамляе, што задзейнічае для гэтых мэтаў 170 вайсковых спецыялістаў-хімікаў і 60 адзінак тэхнікі.
З мэтай мінімізацыі распаўсюду каронавірусу ў Менску, 170 вайсковых хімікаў з 20 красавіка распачнуць дэзынфікаваць установы здароўя і абʼекты прамысловасці.
Вайскоўцы ўжо маюць штатныя камплекты спецапрацавання, сучасныя сродкі індывідуальнай абароны і дэзынфекцыйны раствор.
Па стане на 17 красавіка ў Беларусі зарэгістравана 4779 чалавек з наяўнасцю каронавіруснай інфекцыі. Памерлі 42 чалавекі.
СК belsat.eu
