У новым выданні «Трэба пагаварыць» мы запрасілі ў студыю акторку і камікесу Аляксандру Герасімовіч і стэндап-коміка Паўла Радзевіча. Разам пагаварылі пра важнае і аздобілі размову ноткамі гумару.
Якія тэмы для жартаў пад забаронай у Беларусі? Пакуль увесь свет адмаўляецца ад жартаў пра найбольш уразлівыя групы насельніцтва і меншасці, у нашай краіне табу на жарты пра Лукашэнку і ягонае атачэнне. Цікава – чаму? Сёння мы пагаворым пра гумар у крызісных сітуацыях і разгледзім гэта на прыкладзе Беларусі. Чаму смяяцца падчас катастрофаў не дрэнна, а нават неабходна? Як жахлівыя гісторыі становяцца мэмамі? І ці ёсць розніца паміж мужчынскім і жаночым гумарам?
Шчыра запрашаем да прагляду.
Фота: Ramil Sitdikov / TASS / Forum
