Францыск Скарына – адна з найвядомейшых постацяў айчыннай гісторыі. Але да сёння яна захоўвае шмат таямніцаў. І ў чым жа галоўная?
Мы, напрыклад, не ведаем дакладнага года нараджэння або смерці Францыска Скарыны, жаніцьбы або колькасці дзяцей. Мы нават не ведаем, куды ён знік на пяць гадоў пасля заканчэння Падуанскага ўніверсітэту. Чаму ў канцы жыцця, аблашчаны княскай увагай у ВКЛ, раптам сарваўся і паехаў працаваць у Прагу садоўнікам? Дарэчы, у тым, ці сапраўды Скарына працаваў садоўнікам, таксама маюцца сумневы. І гэта далёка не поўны спіс.
Гісторык Цімох Акудовіч у новым выданні праграмы «Вусы Скарыны» прапаноўвае свае адказы на пытанні, што схаваў Францыск Скарына ў сваім партрэце і ў чым жа ягоная галоўная таямніца.
Праграму «Вусы Скарыны» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на канале YouTube.
Калаж з фота: Wikimedia Commons
