Фатограф і дызайнер Уладзімір Маляўка ўдзельнічаў у арт-пратэсце пасля фальсіфікацыі выбараў 2020 года. Ягоныя запамінальныя творы траплялі на вочы многім. У сувязі з пераследам у Беларусі Уладзімір пакінуў Беларусь і разам з сябрам Паўлам заснаваў брэнд адзення «Žnivień».
Мабыць, для большасці людзей жнівень 2020 года стаў нейкім пераломным момантам, той знакавай датай, якую мы хацелі адлюстраваць», – распавядае Уладзімір Маляўка пра ідэю брэнду.
Дызайнер пастанавіў паказаць сучасную Беларусь праз актуальнае прачытанне традыцыйных нацыянальных сімвалаў. Напрыклад, калі рэжым Лукашэнкі забараніў лацінку, Уладзімір і Павел зрабілі прынты беларускаю лацінкаю – «Moj rodny kut». Ёсць у іх і майка, прысвечаная Насце Лойцы.
Частку сродкаў творцы пералічваюць на дапамогу беларускім добраахвотнікам ва Украіне.
Калі вам падабаюцца вырабы брэнду «Žnivień», падтрымайце іх упадабаннем або набыццём прадукцыі.
Калі вы маеце сваю краму, «Žnivień» можа з’явіцца і на вашых паліцах.
Набыць рэчы брэнду «Žnivień» можна онлайн (Instagram / znivien2020) або офлайн у Беларускім моладзевым хабе ў Варшаве (пл. Канстытуцыі, 6).
Пры выкарыстанні прома-кодаў: belarus2belarus, БеларусБеларус – зніжка 10 %.
Калі сярод вас ёсць тыя, хто хацеў бы падзяліцца сваімі гісторыямі альбо падтрымаць нашых герояў (гэта можна зрабіць як публічна, так і ананімна) – лістуйце нам: belarus2belarus@gmail.com
І памятайце: беларус беларусу – любоў, падтрыманне і перамога.
Далучайцеся да нашых суполак у Facebook ды Instagram.
Праграму «Беларус беларусу» глядзіце кожную пятніцу на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.
