Тэмы праграмы:
Беларускія амбасады… аптымізуюць. Маўляў, навошта нам дыпламатычныя пляцоўкі ў несяброўскіх краінах – такім пытаннем задаліся на паседжанні ў Лукашэнкі, прысвечанаму працы Міністэрства замежных справаў. І выглядае на тое, што гэта не пустыя пагрозы. Кіраўнік айчыннай дыпламатыі Уладзімір Макей узяў пад казырок і паабяцаў, што прынамсі ў некалькіх краінах свету Беларусь свае дыппрадстаўніцтвы закрые. Чаму гэта ці не самая змрочная навіна ў беларускай палітыцы з леташняга жніўня, Усевалад Шлыкаў.
Лукашэнка прызначыў былога менеджара тэлерадыёкампаніі «Мір», якая фармальна ёсць структураю СНД, новым міністрам інфармацыі. На гэтым фоне адбываецца ўзмацненне ціску на незалежныя СМІ ды пошук ворагаў унутры і звонку краіны. Што хоча бачыць Лукашэнка на інфармацыйным полі Беларусі, і ці згодны ён падпарадкаваць сваю прапаганду Крамлю? Адказ шукаў Зміцер Міцкевіч.
Эскалацыя гібрыднай агрэсіі Расеі супраць Украіны зноў у цэнтры ўвагі свету. Занепакоенасць Кіева і заходніх лідараў выклікала павелічэнне вайсковай прысутнасці Расеі бліз украінскай мяжы. Недавер Украіна выказала і да Менску як да пляцоўкі перамоваў трохбаковай кантактавай групы для пераадолення канфлікту на Данбасе. Чаму ж нашыя суседзі больш не лічаць Беларусь надзейным партнёрам? Наколькі рэальная перспектывы адкрытай ваеннай агрэсіі Расеі супраць Украіны? Разбіралася Юлія Лабанава.
Міжнародны тэлечасопіс «ПраСвет» з Алінаю Коўшык ды Сяргеем Пелясою глядзіце шточацвер а 21:35. Падпісвайцеся на «Прасвет» у профілях у Facebook і «Аднакласніках»! Глядзіце нас праз спадарожнік «Астра 4A» (ранейшая назва «Sirius 4»), онлайн, на YouTube-канале і на нашай старонцы.
Фота вокладкі: Stasevich / BelTA / TASS / Forum