Беларус, які пераехаў у Польшчу, распавёў, што прадстаўнікі беларускай арганізаванай злачыннасці прымушалі яго сачыць за апазіцыянерамі ў выгнанні. Ці супрацоўнічае крымінальны свет з прадстаўнікамі ўладаў Беларусі – і калі так, наколькі распаўсюджаная такая з’ява? Глядзіце ў новым выданні «Шчыра кажучы» з Арынаю Маліноўскай.
Ігар Дзянісаў ужо быў пад судом, а тры гады таму ён з’ехаў у Польшчу, дзе перабіваўся часовымі падпрацоўкамі і крадзяжамі. Калі пайшла хваля палітычнай іміграцыі беларусаў у Польшчу, ён таксама вырашыў атрымаць статус уцекача.
У лагеры ўцекачоў пазнаёміўся з двума беларусамі, разам з імі стаў здымаць кватэру. Адзін з тых хлопцаў – відэааператар, які супрацоўнічае з Паўлам Латушкам. У верасні мінулага года ў іхную кватэру прыйшла група невядомых людзей, яны збілі Ігара і забралі тэлефон і аўтамабіль. Тады ён прызнаўся суседзям, што гэта былі хлопцы крымінальнага аўтарытэта на мянушку Кушнер. Яны патрабавалі ад яго сачыць за аператарам Паўла Латушкі і дакладаць цікавую інфармацыю ім. А збілі за тое, што ён адмовіўся.
Якое месца ў гэтай справе займае былы супрацоўнік ГУБАЗІКу Уладзімір Ціхіня і «злодзей у законе» на мянушку Кушнер? Як спецслужбы вярбуюць крымінальнікаў? Чаму злодзеі называюць Уладзіміра Ціхіню – «ганаровым мянтом»? Глядзіце ў відэа.
Праграма «Шчыра кажучы» выходзіць штосераду а 19:05 у эфіры «Белсату», а таксама на нашым YouTube-канале.
Калаж з фота: Nikolai Petrov / TASS / Forum, https://www.primecrime.ru/, YouTube канал «Александр Александров»
