Ці маюць рацыю тыя ўкраінцы, якія вінавацяць беларусаў, маўляў, «мала пратэстуеце, бо Лукашэнка застаўся»? А таксама тыя беларусы, якія нагадваюць украінцам пра гаспадарчую супрацу з Лукашэнкам усе гэтыя гады, нават пасля крывавага здушэння пратэстаў у 2020 годзе?
З тэрыторыі Беларусі ляцяць расейскія ракеты, якія забіваюць украінцаў. Вайскоўцы з Беларусі абслугоўваюць расейскую тэхніку, якая пасля забівае ўкраінцаў, а беларускія лекары дапамагаюць расейцам, параненым ва Украіне. З іншага боку, большасць беларусаў – супраць вайны, большасць беларусаў – супраць хунты Лукашэнкі. Беларусы ваююць на баку Украіны, сотні беларусаў вядуць партызанскую барацьбу з акупантам унутры Беларусі. Ці тут усё так адназначна?
Разважаем і шукаем адказ на гэтае няпростае пытанне ў першым выданні праграмы «Безвіз/бязвіз».
