Пасля доўгага перапынку ў творчасці музыкі з гурта «Relikt» выпусцілі новы альбом і распачалі серыю выступаў у польскіх гарадах.
Усяму гэтаму папярэднічала рэлакацыя ўдзельнікаў гурта з Беларусі ў розныя краіны і далейшае іх абʼяднанне ў адным пункце – у Варшаве. Цяпер музыкі працуюць над арганізацыяй студыі для сталых рэпетыцыяў і над новым матэрыялам.
Першы паўнавартасны канцэрт пасля рэлакацыі гурт «Relikt» адыграў у Кракаве, з арганізацыяй канцэрту дапамагла мясцовая беларуская дыяспара. Апроч ужо вядомых аматарам «Рэлікту» спеваў, музыкі зайгралі і кампазіцыю з новага альбому – «Былі. Ёсць. Будзем».
Фота вокладкі: vk.com/relikt.belarus
