Вацлаў Ластоўскі. Знайшоў крыж Еўфрасінні Полацкай і «адкрыў» Каліноўскага

140 гадоў таму нарадзіўся Вацлаў Ластоўскі. «Кароткая гісторыя Беларусі» і «Наша ніва» – гэта пра яго. Ён знайшоў крыж Еўфрасінні Полацкай, распавёў беларусам, хто такія Каліноўскі і Скарына. Адзін з айцоў БНР, ён прыняў БССР і быў расстраляны НКВД.

«Паспеў усюды: у палітыцы – займаў пасаду прэм’ер-міністра, у навуцы – напісаў першы падручнік па гісторыі Беларусі, у бізнесе – адкрыў першую беларускую кнігарню, у літаратуры – напісаў самую загадкавую аповесць нашай літаратуры», – распавядае пра Вацлава Ластоўскага, галоўнага крэатыўніка нашай гісторыі, Цімох Акудовіч, вядоўца праграмы «Вусы Скарыны».

Глядзіце ў новым выданні праграмы «Вусы Скарыны»:

• Як стваралася Беларусь на пачатку ХХ стагоддзя
• Дзе і калі нарадзіўся Вацлаў Ластоўскі?
• Як з пасыльнага ў віннай лаўцы трапіў на вучобу ў Пецярбург?
• Як Вацлаў Ластоўскі зразумеў, што ён беларус
• «Наша ніва» і «Кароткая гісторыя Беларусі» (1910)
• Вацлаў Ластоўскі і абвяшчэнне незалежнасці БНР 25 сакавіка 1918 года
• Разлад з братамі Луцкевічамі
• Вацлаў Ластоўскі ў Літоўскай Тарыбе
• Часопіс «Крывіч» і Крывія
• «Падручны расійска-крыўскі (беларускі) слоўнік» (1924)
• «Гісторыя беларускай (крыўскай) кнігі» (1926) і Францішак Скарына
• Беларусь – гэта Крывія?
• «Лабірынт» – першая фантастычная аповесць
• Беларускі нацыянальны музей і крыж Еўфрасінні Полацкай
• «Саюз вызвалення Беларусі» і НКВД

Праграму «Вусы Скарыны» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на канале YouTube.