Феміністка і педагог Юлія Шарова – пра тое, чаму апошнім часам пачасціліся скандальныя дыскусіі наконт няроўнасці правоў мужчын і жанчын.
«Калі мужчыны адчуваюць, што жанчыны выходзяць з-пад кантролю, праяўляюць сваю волю, то непакояцца і рэагуюць на слова «фемінізм» як на чырвоную анучку», – лічыць Юлія Шарова.
Шарова кажа, што ў нас шмат патрыярхальных мужчын, а спрыяюць такому стылю паводзінаў кансерватыўнае грамадства і ўласна вельмі патрыярхальная ўлада.
Юлія Шарова адзначае, што гэта наступствы 200 год жыцця ў расейскай імперыі з яе праваслаўнай культурай – і адпаведна «традыцыяй спажывецкага стаўлення да жанчыны».
Пра тое, што гісторыя паспрыяла пераўтварэнню беларускіх жанчын у абслугу, пра «святарнае права» мужчын на секс і скандалы вакол дамагальніцтваў, чаму слушна, што жанчыны маюць палёгкі ў Крымінальным кодэксе, і ў якіх выпадках дыскрымінуюцца менавіта мужчыны – у поўным выданні перадачы «Размова дня» са Святланай Калінкінай.
