«Google» і «Levi’s» стварылі куртку адмыслова для раварыстаў. У яе рукаў ушыты масіў новых сэнсараў, дзякуючы якім распазнаюцца жэсты непасрэдна на паверхні тканіны. Паводле традыцыі разумная куртка звязваецца са смартфонам пры дапамозе бяздротавай тэхналогіі Bluetooth.У выніку супрацы карыстальнік пры дапамозе жэстаў можа кіраваць мультымедыйным плэерам, адказваць на тэлефанаванні, атрымліваць паведамленні ды выконваць іншыя дзеянні. Пры гэтым падчас язды роварам не прыйдзецца даставаць смартфон і адцягвацца на працу з ім. Акумулятар і асноўныя электронныя кампаненты «разумнай» курткі сканцэнтраваныя ў адмысловым модулі.Першыя тэсціроўшчыкі атрымаюць смарт-куртку увосень бягучага году. У продажы навінка зʼявіцца толькі налета.
Кірыл Смяглікаў
