Петыцыі да генпракурора з нагоды надта мяккага выраку аднаму з фігурантаў буйной педафільскай справы, у межах расследавання якой ахвярамі называліся да 10 тысяч хлопчыкаў, падпісалі ўсяго некалькі дзясяткаў чалавек.
Хіба можна абыякавасць грамадства патлумачыць калядна-навагоднім перыядам? Што з намі?
Андрэй Маханько, ініцыятар петыцый і кіраўнік арганізацыі «Разуменне», кажа, што ў іншых краінах падчас падобных выпадкаў розгалас у СМІ і грамадстве быў вялізны.
«У нас жа магільнае маўчанне, можна сказаць. У той самай Латвіі судзілі дэпутатаў і ўрадоўцаў. У Беларусі толькі ходзяць чуткі, што педафілам сярод супрацоўнікаў Адміністрацыі прэзідэнта быў не толькі Вячаслаў Давыдовіч», – распавядае Андрэй Маханько.
Петыцыя пайшла таксама ў МУС і Следчы камітэт – з патрабаваннем правесці расследаванне датычна асобаў, які маглі замінаць абʼектыўнаму следству і суду.
«Даходзяць сведчанні, што грамадзянін такі прыбег у пракуратуру, пайшоў да адных, другіх…», – кажа госць праграмы.
Падрабязней пра скандал – у «Размове Мацкевіча».
ІЧ belsat.eu
