Наіўныя надзеі на тое, што пандэмія каронавіруса абміне Беларусь, не спраўдзіліся. Пад пагрозаю – кожны чалавек у краіне, але ёсць месцы, дзе каронавірус асабліва небяспечны.
Эпідэмія каронавіруса ў Беларусі разгараецца. Доктар, палкоўнік унутранай службы ў запасе, стваральнік праваабарончай арганізацыі «TimeAct» Васіль Завадскі папярэджвае, што новымі гарачымі асяродкамі могуць стаць турмы ды калоніі.
У студыі «Размовы» Калінкінай Васіль Завадскі патлумачыў, што ў турмах і калоніях немагчыма прытрымлівацца захадаў і парадаў, якія б зменшылі верагоднасць заражэння. А таму досыць аднаго хворага, каб заразіць усіх.
«Гэта можа стаць ачагом для ўсяго грамадства», – выказаў думку госць праграмы.
Больш пра тое, што адбываецца ў месцах пазбаўлення волі, глядзіце ў «Размове» Святланы Калінкінай са стваральнікам праваабарончай арганізацыі «TimeAct» Васілём Завадскім.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
