На думку палітычнага аглядальніка Валера Карбалевіча, вяртанне амбасадара Расеі Міхаіла Бабіча дадому – псіхалагічная і медыйная перамога кіраўніка Беларусі.
«Бабіч паводзіў сябе ў Беларусі паводзіў сябе не як дыпламат. У ягоных выказваннях была элементарная знявага ў адрас Лукашэнкі – так дыпламаты сябе не паводзяць», – звяртае ўвагу госць праграмы.
«Тое, што яго адклікаюць – гэта пэўная псіхалагічная перамога Лукашэнкі. З іншага боку, гэта іміджавая параза Пуціна. Бо сітуацыя з гэтым скандалам выйшла на публіку», – кажа Карбалевіч.
Валер Карбалевіч дапускае, што, згодна з паведамленнямі некаторых медыяў, Лукашэнка мог нешта паабяцаць Расеі ўзамен, але пытанне ў тым, наколькі гэта будзе выкананае.
«Гаворка ідзе пра Саюзную дзяржаву. Сапраўды, Лукашэнка мог паабяцаць выканаць усе параметры дамовы аб ёй – але няхай толькі Расея дасць крэдыт і пагодзіцца на танную цану на нафту, на газ у наступным годзе. Калі ўсё гэта Беларусь атрымае – Лукашэнка можа і перадумаць: такая схема рэалізуецца не першы раз», – дадае эксперт.
Поўную размову глядзіце ў відэа
