У Кобрыне судзяць участковага Сяргея Куляшова за перавышэнне службовых паўнамоцтваў і нанясенне цялесных пашкоджанняў.
Паводле пацярпелага, міліцыянт збіў яго без усялякай прычыны.
Дэталі гэтай справы распавядае ў «Гарачым каментары» журналіст і блогер з Берасце Сяргей Пятрухін.
«18 сакавіка 59-гадовы жыхар вёскі Бярозна Кобрынскага раёну вяртаўся з пахавання жонкі брата. Да хаты ён не дайшоў метраў 50, калі яго «падрэзаў» міліцэйскі УАЗік. З машыны выйшаў Сяргей Куляшоў. Паводле Куляшова, бачачы, што Анатоль выпіўшы, ён прапанаваў яму праехаць да аддзелу міліцыі. Анатоль ехаць не захацеў, у выніку чаго ў яго была зламаная нага», – кажа Пятрухін.
Паводле журналіста, міліцыянт прапанаваў Анатолю 700 долараў, каб замяць гэтую гісторыю, але той усё ж звярнуўся са скаргаю ў праваахоўныя органы.
ІІ, belsat.eu
