Цэнтральнае пытанне, якое абмяркоўвалася сёння на саміце краін СНД у Душанбэ – пытанне бяспекі. Паводле кіраўніка Беларусі, пра бяспеку гаварылі ўсе постсавецкія прэзідэнты, якія сабраліся ў Таджыкістане. Цікава, што і ў часе сустрэчы тэт-а-тэт з Пуціным Лукашэнка гаварыў таксама пра бяспеку. Хоць яшчэ напярэдадні анансавалася, што асноўным пытаннем двухбаковых перамоваў будуць нафтагазавыя дачыненні паміж Менскам і Масквою. Аб выніках саміту для Беларусі мы паразмаўляем з палітолагам Алесем Лагвінцом:
«Лукашэнка сказаў, што захад сам руйнуе сусветную сістэму гандлю. Пры тым тая ж Беларусь і СНД – тут на сёння нават зоны вольнага гандлю няма. Не кажучы пра тое, што Беларусь не ўваходзіць у Сусветную гандлёвую арганізацыю па віне Лукашэнкі. Але ў той жа час ён становіцца нібыта абаронцам правілаў сусветнага гандлю, якія ён сам не прызнае…» Працяг размовы – у сюжэце.
Фота: president.gov.by
