Нашыя ўсходнія суседзі настолькі абажаюць Сталіна, што нават гатовыя апраўдаць рэпрэсіі, учыненыя сталіністамі. А гэта мільёны ні ў чым не вінаватых людзей. Паводле апытання «Левада-цэнтру», 70 % расейцаў станоўча ацэньваюць ролю Сталіна ў жыцці краіны. Пры гэтым амаль палова рэспандэнтаў лічыць, што злачынствы ў сталінскую эпоху былі апраўданыя «вялікімі мэтамі і вынікамі». Размаўляем з доктарам гістарычных навук Аляксандрам Краўцэвічам.
«Розніца ва ўспрыняцці дыктатараў у расейцаў і беларусаў вынікае з рознай традыцыі. У Расеі традыцыя «моцнай рукі», традыцыі выкарыстання сваіх людзей як пушачнага мяса, абсалютная беспакаранасць, бязмежнасць улады. З другога боку Беларусь з яе Статутам Літоўскім, з яе паважнымі адносінамі да маёмасці… Што мяне ўразіла найбольш у Расеі чыста псіхалагічна – гэта значна меншая пашана да чалавечага жыцця, чым у Беларусі. Мы ад чалавечай смерці жахаемся, расейцы – не…»
Працяг размовы – у сюжэце.
Фота: REUTERS / Maxim Shemetov / Forum
