Пра сакрэты вытворчасці беларускіх лекаў вы даведаецеся з праграмы «Рапарт» Эдуарда Мельнікава.
Не маючы належнай навуковай і тэхналагічнай базы, беларускія вытворцы не ў стане вырабляць перадавыя лекі. Аднак лекараў і працаўнікоў аптэк абавязалі прадаваць перад усім айчынную прадукцыю. А калі яна не дапамагае?
«Мне далі беларускі інсулін, і я ледзь не памёр», – распавядае адзін з герояў праграмы Віталь Патоцкі.
А хто з пацыентаў ведае, што на пабочныя эфекты лекаў можна паскардзіцца ў любую аптэку? І тая, паводле заканадаўства, мае прадставіць часопіс для запісу такіх выпадкаў, а пасля выслаць інфармацыю вытворцы? Але нават калі кліент ведае пра такую магчымасць, схема не працуе. Мы спраўдзілі гэта самі. То бок, калі лек не дапамагае, а нават шкодзіць, вытворца пра гэта не даведаецца, бо аптэкі такія скаргі хаваюць, каб… не атрымаць штраф.
