Госця праграмы «Размова Сцебуракі» аналітык інстытуту стратэгічных даследаванняў BISS Кацярына Шмаціна зазначае, што змагацца за Беларусь, пакуль у Крамлі ёсць такая фігура, як Уладзімір Пуцін, не захоча ніводная дзяржава.
«Калі беларускія лідары меркаванняў захочуць зрабіць істотныя змены ў вектары вонкавай палітыкі, заходнія партнёры гэта пачуюць, але з цяперашнімі поглядамі кіраўніцтва дзяржавы гэта малаверагодна. У прынцыпе, краіны Захаду, ЗША ды іншыя партнёры разглядаюць Беларусь у сферы ўплыву Расеі», – зазначыла спадарыня Шмаціна.
Чаму небяспечна мяняць беларускія эліты цяпер? Пры чым тут ядравая зброя Расеі? Падрабязнасці ў «Размове Сцебуракі» з аналітыкам інстытуту стратэгічных даследаванняў BISS Кацярынай Шмацінай.
