Вядоўца Віктар Шукеловіч завітаў у латвійскую вёску Індра, якая знаходзіцца побач з беларускай мяжой. Па рацэ Індрыцы, што працякае на паўночны захад ад селішча, раней праходзіла мяжа паміж дзвюма магутнымі дзяржавамі, якіх даўно няма на мапе свету.
Віктар пазнаёміўся з мясцовай інтэрнацыянальнай сям’ёй, у якой размаўляюць адразу на некалькіх мовах, ды навучыўся гатаваць варэнне з цыбулі. У чым жа сакрэт добрага цыбульнага варэння і якія складнікі для яго неабходныя?
Затым Віктар выправіўся ў мясцовы Музей шчасця, дзе яго чакала мноства сюрпрызаў. Чаму вядоўца біў талеркі? І навошта забіваў у калоду іржавы цвік? Чаму ў музеі Віктар пачуўся як хірург у аперацыйнай зале? І ці знайшоў нарэшце шчасце?
Праграму «Вяскоўцы» глядзіце кожную сераду а 18:35 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы. І сачыце за намі ў Facebook.
