Чаму не існуе «ўраду ў выгнанні» і як Святлана Ціханоўская рэагуе на абвінавачанні ў тым, што яна «праект Крамля»? Пра гэта ды іншае – у «Размове» Уладзіміра Мацкевіча з дарадцам Святланы Ціханоўскай – Франакам Вячоркам.
Вядоўца «Размовы» Уладзімір Мацкевіч задае Франаку Вячорку шэраг нязручных пытанняў, каб канчаткова расставіць кропкі над «і». Напрыклад, у пытанні, ці не сфармаваўся за мяжою новы «ўрад у выгнанні».
«Цэнтр рэвалюцыі так ці інакш павінен заставацца ў Беларусі. Тыя офісы, цэнтры, якія паўсталі ў Вільні і Варшаве, маюць адзіную мэту – укачваць энергію, сілы ў тых, хто застаецца ў Беларусі і працягвае змаганне. Калі не будзе гэтай вулічнай барацьбы, то не будзе і рэвалюцыі, не будзе сэнсу ў гэтых урадах і цэнтрах у выгнанні», – выказаўся госць студыі.
«Нам трэба зрабіць рэвалюцыю з найменшымі стратамі. І калі мы можам зрабіць нейкае дзеянне, якое прывядзе да меншых арыштаў ці меншых рэпрэсіяў, тым лепш. Галоўнае, каб мы да рэвалюцыі ішлі», – выказаўся Франак Вячорка, адказваючы на пытанне Уладзіміра Мацкевіча пра новыя формы пратэсту.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:
Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.
