На думку госця «Размовы Мацкевіча» ІТ-кансультанта Сяргея Лаўрыненкі, у найбліжэйшай будучыні зменіцца, напрыклад, сельская гаспадарка.
«Тыя ж сельскагаспадарчыя спецыяльнасці знікнуць. Беспілотныя дроны, беспілотныя трактары, аграномы, які маюць дакладны хімічны склад глебы… Гэта ўжо не будзе селянін, будзе нейкі іншы чалавек, інжынер. Глядзіце. Ёсць бухгалтар, а ёсць фінансавы дырэктар. І той, і той грошы лічаць. Але калі мы кажам пра функцыянал фінансавага дырэктара, ён значна шырэйшы, чым функцыянал бухгалтара», – тлумачыць Сяргей Лаўрыненка.
Госць праграмы зазначае, што верагодная незапатрабаванасць людзей з нізкаю прафесійнаю кваліфікацыяй – вялікая праблема для сусветнай эканоміцы. І справа нават не ў тым, што нехта не паспее перакваліфікавацца. Чым больш развіваюцца тэхналогіі, тым менш людзей патрэбна. Замест пяці аграномаў спатрэбіцца адзін.
Якія прафесіі знікнуць у хуткім часе і якое месца Беларусь можа заняць у новым тэхналагічным свеце? Шукайце адказы ў «Размове Мацкевіча» ды ІТ-кансультанта Сяргея Лаўрыненкі.
