Журналіст New York Times і рэжысёр-дакументаліст Брэнт Рэно загінуў ва Украіне, у Ірпіні, горадзе на паўночны захад ад Кіева.
«Куля трапіла ў галаву і выйшла праз вока», – распавёў відавочца.
Яшчэ двое журналістаў атрымалі раненні і былі шпіталізаваныя.
Пасля гэтай трагедыі журналістам забаранілі ўезд у Ірпінь. Гарадскі галава Ірпіню Аляксандр Маркушын зазначыў, што гэта дазволіць зберагчы жыццё і рэпарцёрам, і ўкраінскім салдатам, пазіцыі якіх часам трапляюць у кадр журналістаў.
Брэнт Рэно – дакументальны кінарэжысёр. Ён расказваў гуманістычныя гісторыі з гарачых кропак свету, пра войны ў Іраку і Афганістане, пра землятрусы і крызісы ўцекачоў па ўсім свеце.
У The New York Times заявілі, што апошні раз выданне супрацоўнічала з Рэно ў 2015-м.
7 сакавіка падчас баёў з расейскімі захопнікамі пад Мікалаевам загінуў журналіст з Львоўскай вобласці Віктар Дудар. У першы ж дзень вайны, 24 лютага, Віктар пайшоў у ваенкамат, бо хацеў абараняць Украіну ў складзе Узброеных сілаў.
МГМ, belsat.eu
