Улады заблакавалі рахункі грамадскай арганізацыі Рух «За Свабоду». Пра гэта ў Facebook паведаміў ейны кіраўнік Юрась Губарэвіч.
«Да апячатанага офісу і вобшукаў на кватэрах кіраўніцтва Рух «За Свабоду» дадалося блакаванне (арышт) рахунка аб’яднання. Спрабавалі правесці пробную суму аплаты за наступны перыяд і атрымалі вось такі вынік. Да гэтага часу Следчы камітэт так і на паведаміў нам, з чым звязаныя ўсе гэтыя дзеянні ў дачыненні да Руху», – адзначыў Губарэвіч.
Нагадаем, што Міністэрства юстыцыі патрабуе спыніць дзейнасць руху «За свабоду». 14 ліпеня ў офісе руху і ўдома ў намесніка старшыні руху Віктара Янчурэвіча прайшлі ператрусы. У рэгіёнах былі затрыманыя праваабаронцы і сябры арганізацыі Віктар Сазонаў і Алег Мацкевіч.
Таксама дадому прыходзілі да старшыні арганізацыі, у выніку чаго было затрыманая і аштрафаваная ягоная былая жонка.
МГ belsat.eu
