«Белсат» падрыхтаваў ролік з нагоды Дзядоў, калі беларусы ўзгадваюць памяць продкаў.
Дзяды – старажытны абрад памінання памерлых, які ў беларусаў захаваўся ў найбольш архаічнай форме. Сам абрад паходзіць з дахрысціянскіх часоў і звязаны з культам продкаў.
У народнай традыцыі існуе перакананне, што менавіта на Дзяды душы памерлых могуць завітаць да нас з таго свету, каб у нечым дапамагчы ці нешта падказаць.
Людзі стараліся не прагнявіць продкаў – прыбіралі іх магілы, наводзілі парадак удома як да візіту гасцей, клікалі дзядоў на адмысловую вячэру са шчодрым пачастункам, а падчас самой вячэры ўспаміналі памерлых ды гаварылі пра іх толькі ўхвальна.
