Былы спартовец і заўзятар ваюе за Украіну.
Ігар Номан (пазыўны – Янкі) у Беларусі прафесійна займаўся спортам: спачатку футболам, пазней – адзінаборствамі. Таксама быў сталым заўзятарам каманды «Дынама» (Менск). Пасля пратэстаў 2020 года быў вымушаны з’ехаць ва Украіну, каб пазбегнуць крымінальнага пераследу.
Вайну Ігар сустрэў у Кіеве. Кажа, што ведаў пра яе непазбежнасць. Але верыць у такі хуткі пачатак вайны ўсё адно не хацелася. На пытанне пра страх на вайне Янкі адказвае наступнае:
«Страху ўвогуле няма. Тое, што мусіш рабіць, ты робіш. Чаго баяцца? Страшна толькі пабачыць твайго знаёмага, сябра ці пабраціма забітым. Да гэтага нельга быць падрыхтаваным увогуле».
Аб пратэстах у Беларусі, вайну і папулярнасць у інтэрнэце – глядзіце ў чарговым выданні з цыклу «Рэпартаж Дудзінскага: Людзі вайны».
Аўтарскі цыкл «Рэпартаж Дудзінскага: Людзі вайны» распавядае пра жыццё ў зоне баявых дзеянняў. Дзяніс Дудзінскі сустрэнецца з беларусамі, якія падтрымалі Украіну ў яе змаганні з расейскімі акупантамі, пакажа партрэты асобаў, якія воляю лёсу апынуліся ў сітуацыі выпрабавання вайною.
