Аляксандр Чарвякоў. Вярнуў адабраныя Расеяй землі. Першы кіраўнік БССР

Аляксандр Чарвякоў – першы кіраўнік БССР, пры ім была беларусізацыя. Вярнуў адабраныя Расеяй землі (узбуйненне БССР). Кастрычніцкая «рэвалюцыя» (7 лістапада) адкрыла яму шлях. Сталін падтрымліваў яго, а затым знішчыў.

Вядоўца праграмы «Вусы Скарыны» Цімох Акудовіч задаецца пытаннем: Аляксандр Чарвякоў – герой ці антыгерой нашае гісторыі? З аднаго боку, вымушаны сталініст, быў на чале краіны ў самыя цёмныя гады. З другога – праводзіў беларусізацыю і адстаяў тэрыторыю БССР. Ён меў найлепшыя беларускія рысы – спакой, удумлівасць і стратэгічны падыход. З нагоды дня Кастрычніцкай рэвалюцыі, дакладней, перавароту, што ў цяперашняй Беларусі адзначаецца як дзяржаўнае свята, мы ўзгадваем гэтае важнае імя нашае гісторыі.

Глядзіце ў новым выданні праграмы «Вусы Скарыны»:

• Чаму Кастрычніцкая рэвалюцыя адзначаецца 7 лістапада?
• Чаму Кастрычніцкая рэвалюцыя – гэта пераварот?
• Хто такі Аляксандр Рыгоравіч Чарвякоў (Чарвяк) з вёскі Дукора пад Менскам?
• Як Іосіф Сталін прапанаваў змяніць прозвішча Чарвяк на Чарвякоў?
• Чаму Аляксандр Чарвякоў і Зміцер Жылуновіч выбралі бальшавікоў?
• Беларускі нацыянальны камітэт (Белнацкам) і абвяшчэнне БССР 1 студзеня 1919 года
• Другое абвяшчэнне БССР 1920 года і старшыня СНК і ЦВК ССРБ
• Вялікае выпрабаванне: Рыжская мірная дамова 1921 года
• Узбуйненне БССР: 1924 і 1926 гады
• Аляксандр Чарвякоў, Дзмітрый Прышчэпаў і Беларусь як «чырвоная Данія»
• Беларусізацыя
• Навошта Іосіф Сталін абвясціў «правы ўхіл»?
• Сталінскія рэпрэсіі 1937 года

Праграму «Вусы Скарыны» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на канале YouTube.