Беларусь чакае катастрофа без вяртання эмігрантаў, якія ў большасці ўжо не вернуцца нават пасля Лукашэнкі. Лічыць Кныровіч. Эмігранты могуць стварыць моцную дыяспару, якая дапаможа Беларусі і яе эканоміцы. Лічыць Мажэйка. Хто мае рацыю?
Беларуская эканоміка перажывае недахоп працоўных рук, што ўжо найбліжэйшым часам адаб’ецца на яе стане ў цэлым. У той жа час беларусы ў эміграцыі расчароўваюцца ў палітыцы і жадаюць аднаго – жыць спакойна, тлумачыць прадпрымальнік Аляксандр Кныровіч: «Яны не вернуцца да Беларусі».
І дадае: на ягоную думку, з 12 тысячаў ІП з ліку беларусаў у Польшчы на радзіму ў найлепшым выпадку вернуцца не больш за 50. Таму на нашых вачах разгортваецца катастрофа, выправіць якую не ўдасца нават пасля сыходу Лукашэнкі.
Палітолаг Вадзім Мажэйка ў пытанні эміграцыі лічыць сябе аптымістам: «Людзі атрымоўваюць досвед у працы, у бізнесе. Безумоўна, увесь гэты досвед будзе потым карысны для новай Беларусі». Нават у тым выпадку, калі людзі пажадаюць застацца за мяжой, яны змогуць дапамагчы. З ім пагаджаецца і Андрэй Стрыжак: «Прыедуць толькі тыя, хто будзе гатовы ўкладвацца ў Беларусь як у новы праект».
Колькі беларусаў сапраўды вернецца пасля змены рэжыму ў Беларусі ці надыходу магчымай лібералізацыі? І наколькі рост эміграцыі ўплывае на эканоміку ў краіне? Чаму, урэшце, праз гэта не варта чакаць спакойнай пенсіі? Глядзіце ў новым выданні праграмы «Двубой» з Віталём Цыганковым.
Госці праграмы:
Вадзім Мажэйка, палітолаг
Аляксандр Кныровіч, прадпрымальнік, вядоўца праграмы «Атмасфера»
Праграму «Двубой» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат News» або ў закладцы «Праграмы» на нашай старонцы.
