Наш герой, ваяр палка Каліноўскага з пазыўным Кусь, атрымаў узнагароду ад ГУР Мінабароны Украіны за службу. Ён апавёў, як рабіў расейскім акупантам кусь за Беларусь і як падтрымлівае пабрацімаў пасля камісавання з войска.
У сакавіку 2022 года Кусь запісаўся ў батальён імя Каліноўскага, які пазней разгорнецца ў полк. Добраахвотнік прайшоў баі на поўдні і ўсходзе Украіны, заслужыў ганаровую адзнаку, падпісаную Кірылам Буданавым, начальнікам ГУР Мінабароны Украіны.
У верасні 2023 года Куся камісавалі праз стан здароўя: пасля баёў каля Бахмуту ў беларуса з’явілася ныркавая няздатнасць і гламеруланефрыт.
Кусь падкрэслівае: падтрымліваць трэба не толькі ахвяраў рэжыму Лукашэнкі, але і беларускіх добраахвотнікаў ва Украіне. Бо менавіта добраахвотнікі могуць спыніць рэпрэсіі ў Беларусі, знішчаючы рэжым.
«Калі мы будзем падтрымліваць тую сілу, якая спыніць рэпрэсіі, якая зможа колькасць ахвяраў зменшыць да нуля, тады мы зможам спыніць рэпрэсіі ў Беларусі, вызваліць Беларусь і ўрэшце вярнуцца ў Беларусь», – тлумачыць Кусь.
Праграму «Ваяры» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
Калаж з фота: Головне управління розвідки Міністерства оборони України / Facebook; mil.ru
