У культурным выданні ў нас беларуская культурная эміграцыя і канскі гламур.
Расказваем пра нашумелы гурт «Разбітае сэрца пацана», які рыхтуецца выпусціць новы альбом, але пра свае «ашчушчэнія» спявае ўжо не ў Беларусі. Некалькі месяцаў таму ціск, затрыманні ды чорныя спісы змусілі фронтмэнаў гурта Дзяніса Тарасенку і Паўла Гарадніцкага пераехаць у Кіеў. Без сваёй аўдыторыі хлопцам давялося ўсё пачаць спачатку. Новы альбом так і называецца – «Ашчушчэнія». Пра адчуванні ў сваёй новай рэчаіснасці расказалі самі музыкі, калі «Белсат» завітаў на іхны кіеўскі выступ.
А неўзабаве мы даведаемся, хто стане ўладальнікам Залатой пальмавай галіны – галоўнай узнагароды Канскага кінафестывалю. Міжнародны кінаагляд адкрыўся 6 ліпеня пасля больш як двухгадовага перапынку. Глядзіце, што ўвесь гэты час адбывалася на бульвары Круазэт – і каго называюць магчымым пераможцам.
