Ірына Туроўская – футбольны арбітр FIFA ад Беларусі, якая жыве цяпер у Ашдодзе. Падрабязней у праграме «Беларускі свет».
Ірына нарадзілася ў Бабруйску, займалася жаночым футболам, гуляла за моладзевую зборную Беларусі. Пасля трэнавала жаночую каманду «Бабруйчанка» і сталася арбітрам, дасягнуўшы статусу суддзі FIFA:
«Розніцы паміж тым, каб судзіць мужчынаў і жанчын, няма. Розніца толькі ў хуткасці. А так, насамрэч, хамяць, грубяць, парушаюць правілы аднолькава. І нават справа можа дайсці да бойкі і там, і там. Адно што мужчыны фізіялагічна хутчэйшыя. Эмацыйнае напружанне аднолькавае. Табе і там, і там не хочацца прапусціць ні пенальці, ні чырвонай карткі, ні штрафнога».
Праз бюракратыю і забароны з боку федэрацыі спынілася кар’ера, Ірына зʼехала ў Ізраіль. Там змяніла прафесію на коўча. Ірына дае практычныя парады тым, хто хоча пачаць новае жыццё за мяжою.
Праграму «Беларускі свет» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на YouTube.
