Палітолаг Павел Усаў думае, што стварэнне агульнага супольнага фронту дэмакратычных сілаў Беларусі неабходнае, як тое ўжо мела месца ў нашай гісторыі ў 1990-ыя гады. Але што гэтаму перашкаджае сёння?
Дзмітрый Балкунец да ключавых фактараў адносіць тое, што цягам апошніх 30 гадоў беларуская апазіцыя не мела магчымасцяў трапіць у парламент, некаторыя палітыкі ўжо больш 20 гадоў – у эміграцыі, да таго ж – уплыў спецслужбаў і асабістыя канфлікты.
Павел Усаў назваў ахвяру, якая павінна быць прынесеная, для магчымасці перамоваў сярод дэмакратычных сілаў:
«Парады Вячоркі, парады Дабравольскага прывялі да ўмоўнага згасання электаральнага падтрымання Святланы Ціханоўскай. І калі мы кажам пра магчымасць аб’яднання, то на сённяшні момант у атачэнні Ціханоўскай як мінімум, калі мы хочам запусціць гэты працэс, насамрэч жадаем дасягнуць нейкіх вынікаў, наўпрост кажу – не павінна быць Франка Вячоркі».
Але ці сапраўды за стол перамоваў у цяперашніх цяжкіх умовах для Беларусі цяпер могуць сесці Зянон Пазняк, Святлана Ціханоўская, Валерый Цапкала ды іншыя?
Госці праграмы «Двубой» з Віталём Цыганковым:
Павел Усаў, палітолаг
Дзмітрый Балкунец, палітолаг
Праграму «Двубой» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат News» або ў закладцы «Праграмы» на нашай старонцы.